فالكبد ليعاتها وفالنفس حاجات
حاجات ماهيب رغبات وشهوات
ندم على حزن على ما أدري شسمه
اللي يكلمك وتكلمه بسكات
يا ودي أصرخ من اللي داخلي حيل
وياودي ما تنبس من الليعه شفات
مزحوم تفكير ومشوش وبردان
ويا خوفي من الغضب والانفعالات
تعارك الشر مع الخير فيني
يثر على اتخاذي للقرارت
ثاقب وألاحظ تفاصيل التفاصيل
كن البشر عري وعيوني مرايات
أفضال ربي علي واجد وأفضل
أفضال ربي الفقر وانكارة الذات
يا ما أجمل الفقر وأشياءه وروحه
تموت منه تعب وتعيشه أزمات
يعلمك ضعفك وبأن عقلك
هو اللي يميزك عن الحشرات
وتعرف بأن هذا لك وذا لغيرك
ولا تفكر ولا تكسر حسابات
الفقر مفيد وأشياءه مفيده
مليء قناعة وقوة وغايات
يمكن لو انك غني تطغى وتنسى وتطيش
وتطوف الخمس الصلوات
لذلك الحمدلله والثنا له
على الفقر والمصايب والمسرات
يمكن اني فقير بس ماني بتبعي
أجلس ولا انقاد خلف الاتجاهات
ثم أعجبتني قناعات الزمن
هذا أنا أألف لتفكيري قناعات
شاعر ويسكن فمخي ألف شاعر
مهب شعار هالوقت آت
اللي يقولون ما فالشعر نادر
وان الشعراء نفس المستويات
لو انهم واحد بتفكير واحد
ما شفت ناقد ولا معجب وشمات
الله على هالكلام ومن يقوله
والله يقطع سياسة هالمجلات
يعني اللي شعره ملا الدنيا جماهير
مثل اللي أطلق قصيدة سردة أبيات
لا من سمعت القصيدة قلت هذي
سمعتها قبل هذي عشر مرات
يشل آخر كلام الشطر الأول
ويحطه بآخر الثاني وخذ هات
قافي متكرر ولا فكرة ولا شي
يبني القصيدة على تفكير بنات
وبه نوع ساذج علشان يتميز
يصرخ ويعمل بيدينه حركات
والمرء عدو ما يجهل
لذلك الشعراء يكرهوني أنا بالذات
الله يخليني لشعري وأصونه
وأحرق به كبود شعار المسجات
أجذب به أذواق حكام الجزيرة
وأزرع في عقول فتيان وفتيات
أركبه جن وأمارسه بجنون
وأشبعه فلسفات وابتكارات
وأعلم الجيل هذا واللي بعده
جودة الاطالة وفن الاختصارات
وشلون أحرث صخر فكري
وأخلي بيني وبين أقرب منافس مسافات
الشعر في نظرة أغلبهم مصالح
فلوس وشيوخ وبنات ولقاءات
وفي نظرتي الشعر روح وروح حرة
ما تخضع لشف وأشخاص وقياسات
الشعر ما تقشعر له الأبدان
وما يسرق من الكلمات الكلمات
تقراه في عيون شاعره وتحسه
يفتح له في جلد يدينك مسامات
ردد قصيدي يا جمهوري وصفق
وعلمهم ان الغلا ماهو خيارات
تعال نسرح سوا في شي عندي
وأخاف لأبكي وتبكيني العبارات
حزين جدأ ومتعومس وخايف
أحس كني على ما أهوي نهايات
حبيبتي اللي أغليها وأبيها راحت
وقالت بجي وللحين ما جات
ما اذكر اني مسوي شي لكن
الحب اذا زاد يسبب حزازات
والصبر صبر القلوب البيض
وأدري يا مصعب الصبر لاقد به محاتات
دمرني الشوق واستنزفني شعور
وتعبت أثبت شعوري داخل شتات
تمر كل الوجيه بدرب عيني
نفس الملامح ونفس الابتسامات
حبيبتي طاغية وبشكل طاغي
صديقة الليل وأجناب البنايات
من وين ما افتر لا هذا وجها على الطرقات
وأضواء السيارات بري حالي عليها
بري حالي عليها يا بري حالي عشر بريات
لني أحبها فعلاً وجداً
ما هي محبة رفث ولا اتصالات
أحس كني أبوها أو أخوها
أدرى عليها من العالم مدارات
واللي سواتي يحب وخايف الله
يعرف معنى معاناة المعانات
الحزن في بعض الأحيان ازدواجي وجميل
إذا صار من تجنيب غلطات
من خلا حاجة لربي عاضها خير منها
وأحسن دبلات الدبلات
وأنا لا أبي غيرها ولا ألتفت له
السيدة لا رجعنا للسيادات
جعل أمها توافق تجي تخطبها
تكفون دعواتكم يهل الدعوات يسلموووو على الموضوع الرائع
موضوع: في الكبد ليعات 
السبت يناير 15, 2011 2:51 am
