قصيدة طلال الرشيد (ياصغير ما يكبرني لقب ) والرد من عبدالرحمن بن مساعد

السلام عليكم ورحمة الله وبركاته
لقد اعجبتني هذة القصيدة للشاعر الامير الراحل (طلال الرشيد) رحمه الله والصراحه كا قصائده تعجبني بجنون

اهذي القصيده تقريبا اخر ماقال رحمه الله وحببت ان تشاركوني بالاستمتاع في بحر معاني كلمات هذه القصيده

قصيده للشاعر المرحوم طلال الرشيد رحمه الله


ياصغير مــــــا يكــــبرني لقب
وما يصغرني الى انكرني صغير



ماخذينا الصيت من جمع الذهب
ولانسابه شيــــــخ او قربه وزير



كاسبينه من هل السيف الـحدب
الجنايز كان مـــــــــاجاك النذير



صيتهم نجمٍ على راسه لــــهب
سمعوا الصقهان به واجهر ضرير



بالوفاء تـــاريخٍ ابيض ينتصب
لاحكوا بالحق حيـين الــــــضمير



ضيغميٍ لـلسنـاعـيـس انـتسب
لابتٍ طـلـنـابها عـــــــــرشٍ كبير



عند حدك يا كثير الهـــرج تب
ولاتــمر النار وثيــــابـــــك حرير



كان لـك عزٍ بــذلي فـتـعـقـب
والله لا تـبـطـي وحبــلــك قصير



احسبك انك من صناديد العرب
واثر ساترتك عباتك يــــــاغرير



ماحسب للـسـوس زراع القصب
والقــــراده ما درى عنها الب***


ولو حسبنا للـحسايف والتعب
ما بذرنا يالــعــصافـيــر الش***



عن هـلك ابــراي لله واحتسب
الــرجال اللي مــجـاراهم عسير



من قريش المصطفى وابو لهب
والـدغالب ما غشت عذب الغدير



للــرجال من الرجاجيل الـعتب
والزكاة تحل في حـــــال الفقير



لعنبو وقتٍ غـدينا به حــــطب
تـــحرقه نــــــــارٍ يـثـورها اجير



ماالومك والزمن سوى العجب
هو بقى غيـــــر الكرامه بالجفير



ما اذل وراسي يشـــم المهب
لـــــــو بقى من شمرٍ طفل غرير



ما اهاب ولا يزلـزلـنـي غضب
الـشـجـاعه ورث والعاقل غزير



ياصغير مــــــــا يكبر باللقب
غـيـر منهو كان من دونه صغير


اتمنى ان تنال اعجابكم ورحم الله كاتبها وغفر له واسكنه فسيح جناته


وهذا رد الأمير عبد الرحمن بن مساعد على قصيدة الأمير المرحوم طلال الرشيد ياصغير مايكبرنى لقب

والقصيدة هى ثلاث أبيات ولكن معناها كبير جدا ومو غريب على الأمير عبد الرحمن بن مساعد


يارفيقـي مـا يكبّـرك اللـقـب
به ومن دونه ،، تظل انت الكبير


لا يهمّك حكي حمّـال الحطـب
ما ينّقص قدرك الهـرج الكثيـر


الرجال اخلاق ،، ماهم بالحسـب
والمواقف درس ، والجاهل غريروسلامتكم ،،،
سلامتكم

قصة شقا ماهي سواليف
ومزوح . . ليت القدر يومه


كتبها محاها .. هذا النصيب
وما كتبلي على اللوح .. قصة
عذاب تبكي اللي قراها ..


وداعا ياطلال الانسان ياطلال الشاعر ياطلال الامير




رحم الله الامير الشاعر واسكنه فسيح جناته