مسائكم/صباحكم
خيرات ومسرات
ـاليوم جبت لكم قصائد لشاعر مبدع ..
..شاعر رحل ولكن محبته وكلامه بقي في قلوبنا
ـأترك لكم متعه الاستمتاع بمشاعره العذبه ..
الشاعر طلال الرشيد رحمه الله
.. قصيده مشتاق ..
مشتاق
ومضنيني الفراق
يا عيونها خذي من عيوني تعب
واعطيني من جفنك فتور
وابكي علي لو بالكـــذب
مليت بك طبع الغرور
يا عيونها مشتاق
وللدمع مع جفني عناق
مشتاق
ومضنيني الفراق
يا اجمل الخود
كنت الامل وانتي الوعود
وهجرني من هجرتيني دفا بيتي
وانا فبرد الشتا موعود
ايا مسكين يا قلـبي
انا ماشي وهو يلتفت لك عود
ايا مسكينه يا روحي
تحب اللي يعذبها و يزيد صدود
وحشتيني .. كثر ما خانني هذا الزمن واكثر .. وحشتيني
احبك حب اكبر حيل من كلمة احبك
واسألي عيني
يا اقرب من نظر عيني لعيني
يا ابعد من حنانك عن حنيني
امانه .. كيف تنسيني؟
وانا من ليلة التوديع الين الحين .. احس ايديك بايديني
..قصيده مكانك مكانك..
أمـوت مـن فرقاك .. و أموت بلقاك
وأموت من جورك .. و أموت بحنانك
كـلٍ قـضاه يـموت مرّه .. و يفداك
و أنـا أمـوت ألـفين مرّه .. عشانك
أذكـرك.. لا مـني نسيت إني نسيتك
أنـساك .. لامـني ذكـرت نـسيانك
رضـيت أنـا بالهم لرضاك مرضاك
و ارخصت لك قلبٍ جرحته .. وصانك
أجـيك في صدري عتاب .. و أبجفاك
و أرجـع ألـوم الوقت و أقول خانك
أحـب فـيك .. احساسي إني بلاماك
فـي عـز خـوفي منك أحس بأمانك
عـجزت أفـرق بين وصلك و فرقاك
يـاللي عـطيت الـناس بيدك عنانك
مـر تـجيني لـين أقـول إنـي إياك
و مـر تـروح بـعيد و انسى أوانك
أقـبل و تقفي .. و اعتذر عن خطاياك
و أقـول مـا عـييت .. عـيا زمانك
و إن خـانتك دنياك .. أو خنت دنياك
إرجـع و تـلقابي .. مـكانك.. مكانك
..قصيده علمتني..
علمتني وشلون احب
علمني كيف انسى
يابحر ضايع فيه .. الشط والمرسى
علمتني وشلون احن
علمني كيف اقسى
سير علي .. بس امسح دموعي وروح
سير علي .. جب لي معك قلب وروح
سير علي .. اذا تذكرت الجروح
ياطاغي النظرة .. خطا
تجزى بهالبخل العطا
وانا اللي اهديتك أمن.. عين وجفن
هذي فراش وذا غطا
ياجرح من وين ابتدي
وانت معي من مولدي
وعيت يدي .. على وداعك تهتدي
بس انت علمني الجفا
دامني عجزت اعلمك .. كيف الوفا
علمتني كيف السهر .. ونسيتني الممسى
علمتني وشلون احب
علمني كيف انسى
ـأتمنىآ ـأعجبتكم القصائد مع ان حلاوتها بسماعها من صوته رحمته الله عليه
اتمني اشوف ردودكم