لولآ البكآ مآ ينشرح خآطر ولآ ينزآح ويل
خل الكدر يطفي سعير الليلتين اللي خلت
.~.
دآم العيون إليآ اهملت تشفي الغليل من الغليل
الله يبآرك في العيون اللي ليآ ضقت هملت
.~.
"دمعة قهر" تثبت لي إن اللي يحبوني قليل
و لآ "ضحكة" بوجيه نآس لآ تضآيقت انكلت
.~.
البآرحه يوم الهمووم تحط في الصدر و تشيل
و الشآهد الله مآ حبست فمحجري دمع و فلت
.~.
الدمعه اللي مآتهز صدور ربعي مآ تسيل
اكنهآ مثل الجمر و لآ يقولون انزلت
.~.
اللي و هو مآ فز لي وده يحملني جميل
أجيه برجولي عشآن أشكي له الحآل ؟! اكملت !!
.~.
مآ كل من شآفك قوي يحزن إذآ جيته ذليل
النآس لآمن حست بضعف الشجآع استنذلت
.~.
بعيونهم بابقى مثل مآ للهبوب من النخيل
على كثر مآ ضآمهآ صفق اللوآهيب اعتلت
.~.
وشلون أحس إن العذآب اللي على متني ثقيل
و أنآ أدري إن اللي تصبرني على الحزن اوصلت
.~.
معشوقتي و إن ضف صدري من ليآلي الحزن ليل
يآ كثر مآ شربت معي من علقم الحزن و كلت
.~.
معشوقتي مآ للفرح برجوعهآ يمي سبيل
إلآ مثل مآ للربيع من الزهور إليآ اذبلت
.~.
معشوقتي من عمر جيل و مدرسة مليوون جيل
معشوقتي رمز السنين اللي تجلت و انجلت
.~.
اللي على كثر المصآيب كل مآفيهآ جميل
النآس لآ كبرت تشين .. و ذيك لآ كبرت حلت
.~.
لآمن تثنت للهبوب تميل اللي مآ يميل
و إن مآلت عقول الخفآف من الرجآجيل اثقلت
.~.
كن الكلآم بثغرهآ مجرى سبيل لسلسبيل
مسترسله لو مآ ضميت .. و لو ضميت استرسلت
.~.
تقبل على لون المسآ لآ جآت مفتولة جديل
غصبن عن عيون النسآ مآ يرمشن إليآ أقبلت
.~.
عشقتهآ لأني من اللي يعشقون المستحيل
صدقتهآ لأنهآ لآ قآلت القول افعلت
.~.
الترفه اللي تنطح الفريس و تفك الدخيل
مآ في الرجآل اللي حمل حزني مثل مآ استحملت
.~.
لو كل خلق الله ملوآ مآ تمل و مآ تميل
لأن الرجآل فهآلزمن قلوآ هذيك استرجلت
.~.
يوم إن وقفتهم معي من بآب ( مآ يخدم بخيل )
هذيك مآ هو باوقفت جنبي .. هذيك اتبهذلت
.~.
خآنوآ .. و هي مآ خونت / عآلوآ .. و عيت لآ تعيل
اتبدلت كل الوجيه .. و ذيك مآ تبدلت
.~.
لأنه ليآ عز الرجآ مآ للخليل إلآ الخليل
مآ قد قرت في محجري قصة عن الحزن و سلت
.~.
كن الذي يجري معي يجري على الطرف الكحيل
إليآ رضت ترضى عشآني / و إن تزعلت ازعلت
.~.
تدوي بخفآفي دوي لين أحيت الحلم القتيل
عشق بدوية لبدوي .. لآ جت على البذل ابذلت
.~.
معهآ أعرف إني قوي حتى و أنآ مآ في حيل
و أعدهآ بمية خوي كآن الهموم استفحلت
.~.
دآم الشدآيد تظهر بصآحبك معدنه الأصيل
ليت السنين اللي حدتني للضيآع استعجلت
.~.
الشده اللي تثبت إن اللي يحبوني قليل
و لآ ضحكة في وجيه نآس لآ تضآيقت انكلت
.~.
بنت"ن" إليآ منك وقعت تشيلك من القآع شيل
أبرك من وجيه الرجآل اللي ليآ طحت اجفلت